Restaurant Grängierstuba - öi en Dorfbeiz
WALLISER CHOSCHT STATT SCHISCHI-CHUCHI? GASTFREUNDSCHAFT STATT SMALLTALK? GMIEETLICHKEIT STATT DESIGN? DE BISCH BI INSCH GENAU RICHTIG. EN BEIZ MIT HÄRZ STATT PINKT. EIFACH HÜÖRE GÜÖT.
Betriebsferiä 6. Juli - 15. Juli 2025
Ende September 2025 isch fertig luschtig
Nach füüf super Jaar in dr Grängierstuba bschljeessi wjeer inschi Beiz uf Endi Wiimanet 2025. Grind? Da gitz es paar... abert daderzüö späte mee. Wichtig: Güötschiina bitte bis de ileese, süsch verfallensch. Bis dahi aber gäbewer nuch Vollgas ver dich und diini Gescht...
3X Tavolata italiana im Grängier Garte
Am 12. Juli, 26. Juli und 15. Öigschte zigglet die Grängierstuba in de Garte vam Nachbar. Ab de säggsche gits vier Gäng uf hohem Niwo ver maximal 24 Gäscht. Dr 12. Juli isch scho üsbüöchtä. Am 26. Juli und am 15. öigschte hets nuch es paar Plätz. Reservatio unner 027 927 11 05, Priis pro Perso isch 79 Frangge inkl. Wasser und Kaffee.
Und jetz geits witer
Flott, dass dü dich ver die "Grängierstuba" interessiersch! In Grängelsch seit me der Beiz übrigens "d'Unnerschta". Sit mee als 70 Jaar git's das Restaurant und versorget iheimischi und üswärtigi Gäscht vor allem mit Walliser Spezialitäte. In der Traditio bliibend öi di Sophie und dr Waldemar Schön, wa die Dorfbeiz sit dm 2. Herbschtmaanet 2020 fieerend. Äs bitzji mee darfs de aber scho öi sii.
Nachhaltig und ganz us dr Neechi
Als Beiz im Landschaftspark Binntal isch ver insch wichtig, dass so vil wje meggli va insche Läbensmittel us dm Dorf und us dr Regio chunt.
- Fleisch va de Püüre us Grängelsch und us dm Goms,
- Chääs va dr Sennerii Grängelsch, dr Alpe Furgge und dr Alpe Binn,
- Fisch(Zander und Egli) va Suschte und Raro,
- Härpfl üs Gränglesch,
- Gmiess us de Grängier Gärte
- und natiirli Pjeer und Wii üs dm Wallis.
Reservatio dringend empfole
Zmittag isch ver insch und eiw besser, wenner grad alittet. Das verhinderet Stress und Foodwaste.
Ver am Abe müöss me reservieere. Ieer verhinderet dadermit, dass ieer vor gschlossner Poort stäät. We am Abe nix löift, machewer nämli öi mal freijer züö.
Vil Vergnieege
